ఆచారకాండము

వ్యాకరణ విశేషాలు

భాషాభాగం

వ్యుత్పత్తి

అర్థ వివరణ

ఇది విజ్ఞానేశ్వరీయము అనెడు ధర్మశాస్త్రములో ఒక కాండము. ఇందు నాలుగువర్గములవారును ఆచరింపవలసిన ధర్మములు చెప్పఁబడి ఉండును. బ్రాహ్మణునకు యజనము, యాజనము, అధ్యయనము, అధ్యాపనము, దానము, ప్రతిగ్రహము అను షట్కర్మములను నియమించి ఉండును. క్షత్రియునకు ప్రజాపాలనము, దానము, యజ్ఞము, వేదాధ్యయనమును ఏర్పఱిచి ఉండును. వైశ్యునకు పశుపాలనము, దానము, యజ్ఞము, వేదాధ్యయనము, స్థలజలముల యందు ధాన్య రత్నముల వ్యాపారము, ధనమును వడ్డిరూపమున పెంచుట, పైరుపెట్టుట అను నీయాఱు కర్మములు ఏర్పఱిచి ఉండును. శూద్రునకు మీఁద చెప్పిన మూడు వర్ణములవారికి శుశ్రూషచేయుట ముఖ్యమగు ధర్మముగా కావించి ఉండును. వేదమంత్రములచేతను గర్భాధానమంత్రములచేతను సీమంతహోమముచేతను జాతకర్మము నామకరణము అన్నప్రాశనము చౌలము ఉపనయనము మొదలగు కర్మములచేతను ద్విజులకు మాతృగర్భవాసాదిదోషములు తొలగును. బొడ్డు కోయకమునుపు పురుషప్రజకు జాతకర్మము అను సంస్కారము చేయవలనది. (జాతకర్మము = పుట్టుకనుగూర్చి శిశువునకు చేయు నొకసిద్ధి.) బిడ్డపుట్టిన పదియవనాఁడుగాని పండ్రెండవనాఁడుగాని పుణ్యతిథియందు సుముహూర్తమున సునక్షత్రమున నామకరణము చేయవలయును. నాలవమాసమున శిశువునకు సూర్యదర్శనము చేయింపవలయును. ఆఱవమాసమున అన్నప్రాశనము చేయింపవలయును. ద్విజాదులకు పుట్టిన సంవత్సరముననైనను, మూడవ సంవత్సరముననైనను, వేదోక్తప్రకారము చౌలకర్మను చేయవలసినది. (చౌలము = సిగను ఉంచుట.) గర్భధారణము మొదలుకొని బ్రాహ్మణునకు ఎనిమిదవ సంవత్సరమునకు, క్షత్రియునకు పదునొకండవ సంవత్సరమునకు, వైశ్యునకు పండ్రెండవ సంవత్సరమునకు ఉపనయనము చేయవలయును. పైచెప్పిన కాలములయందు ఉపనయనము చేయ సరిపడనియెడల బ్రాహ్మణునకు పదియాఱేండ్ల వఱకును, క్షత్రియునకు ఇరువదిరెండు సంవత్సరములవఱకును, వైశ్యునకు ఇరువదినాలుగు సంవత్సరములవఱకును ఉపనయనము రెండవపక్షమున చేయవచ్చును. మొదటి మూడువర్ణములవారికి మీఁదచెప్పిన కాలములయందు ఉపనయనము చేయనియెడల వారు గాయత్రికి అర్హులుగాక వ్రాత్యులు అగుదురు; అట్టివారు వైదిక కార్యములకును ఉపయోగింపరు; మఱియు అట్టివారితో ఇచ్చుకోలు పుచ్చుకోలు చేయతగదు.

పదాలు

నానార్థాలు

సంబంధిత పదాలు

వ్యతిరేక పదాలు

పద ప్రయోగాలు

అనువాదాలు

ఇతర భాషల పదములు

మూలాలు, వనరులు