డబ్బుకు లోకం దాసోహం (సామెత)
డబ్బుకు లోకం దాసోహం అంటే ధనానికి అంతా దాసులవుతారని. దాసః + అహం = దాసోహం - అనగా నేను దాసుడను అని అర్ధం. తెలుగు పదాలనూ, సంస్కృత సమాసాన్నీ కలగలపడం ఈ సామెతలో ఒక ప్రత్యేకత.
దాదాపు అందరికీ తెలిసిన జీవిత సత్యాన్ని చాటే నానుడి ఇది. ఇదే అర్ధంలో ఎన్నో పాటలు, పద్యాలు, వాడుక పదాలు ఉన్నాయి.
- ధనమేరా అన్నిటకీ మూలం - అనే తెలుగు సినిమా పాట
- పైసా మే పరమాత్మా - అన్న నానుడి
- అర్ధము పురుషార్ధములలోనుత్తమము. అర్ధవంతునకసాధ్యము లోకమందేదియును కానరాదు - అని చిన్నయసూరి రచించిన మిత్రలాభములో ఉన్నది.